各位~生日快樂呀!!!!!!!

今日係初七人日
祝大家生日快樂先啦
今日一早比人嘈醒左
要去車公廟拜神
當然要去轉下個風車行d大運啦
一定唔少得同車公伯伯chat下啦
之後老媽子諗住叫人番黎食飯
就不停幫佢打電話
正呀~叫左好多人呀!!!!!!
下晝我出左旺中拎書
孝天出果本書終於都有得拎啦
本書有簽名嫁^^"
之前f4官網簽名版要$120
我在孝天個網定$75咋
我都冇諗過會有簽名嫁
哈哈~so lucky呀
番到屋企已經好多人啦
6姑,8姑,根表哥,有哥,舅父仔,芬姨........
媽子叫呀姨買左好多海鮮出黎呀!!!!!!
又有白蝦啦,獅頭魚啦,躂沙啦......
正呀!!!不過我皮膚敏感唔食得呀><"
屋企好耐都冇試個叫禁多人番黎啦
好熱鬧好開心呀
唔知下次係幾時呢??
表哥同老豆,舅父仔3個都飲得好犀利
飲到個個都醉醺醺
講左好多好多野
好多我唔知o既野
包括我個名點解
好耐之前我問過我老豆
佢話冇得解
但今日原來係有解嫁
"樹欲靜而風不息,子欲養兒親不在"
雖然都係一頭無緒
但都好過冇解
如果有人知點解唔該幫我解解